Vështrim Islam rreth faktorit fetar në historinë shqiptare – Dr. Hajredin Hoxha

0
22

Autor:             Dr. Hajredin Hoxha
Titulli:             Vështrim Islam rreth faktorit fetar në historinë shqiptare
Recensent:      Ajni Sinani
R. gjuhësor:    Mimoza Sinani
Formati:          8.5 x 11
Faqe:              105
Botues:           Furkan ISM
Vendi:             Shkup, Maqedonia Veriore

Studimi dhe analiza e historisë së shqiptarëve dhe Shqipërisë është një temë e komplikuar, delikate dhe shumë sensitive. Për t’ia dhënë hakun këtij studimi lypset një angazhim i madh, një periudhe kohore e gjatë dhe një diapazon i gjerë informatash dhe studimesh. Problemi tjetër kyç qëndron në faktin se pothuajse e tërë ajo histori që është hartuar, shkruar dhe studiuar deri më tani ka qenë prej shkencëtarëve, dijetarëve dhe historianëve që janë edukuar dhe përgatitur nëpër kuzhinat marksiste-leniniste dhe, së këndejmi, edhe ato libra e referenca kanë qenë të shkruara sipas metodologjisë marksiste-leniniste, sipas të cilëve me “…lindjen e materializmit dialektik historia u bë shkencë në kuptimin e vërtetë të fjalës…”